(二) 蝶魚爆身
此文曾於魚佬網時曾貼上過, 而近有魚友亦面對相同問題,
而今日終尋回後再貼其於此. 此文祇是我個人實戰經驗.
而我藥理不精, 唔好問反我用其他終極勁藥得唔得及會否更有效.
因個人對使用人用終極藥物於治魚上極為保留.
雖然養魚各施各法, 但請大家養魚都應尊重生命, 盡力愛護.
08年五月八日北仔捉之太陽蝶, 於檢疫時一切尚算平安,
但入缸半月後卻爆身及傷口更愈來愈紅.
條爆身太陽蝶終於搞咗成3個幾月才能治癒.
以下是當時之斷估總結:
話明斷估, 因資源,知識,地方有限,未能做到反証.
所以請唔好質問有何科學根據.因為係冇.
祇係實戰記錄而巳.所以唔係研究或勿病理記錄.
因純係吹水一堆,請各高人前輩勿見笑.
首先,先估係缸中水質,水温或細菌令魚爆身呢?
如係水質,咁為何其他蝶魚唔爆呢?
而水嘅ph又唔係好差(8.26),而其他蝶仲鬼咁 happy添.??
水温??厘次唔似噃, 因治療期間在箱中治療環境則更差.
我個人估,我個缸水質及環境應算不太差.
我估條魚應係唔太適應新環境改變及新番時外膜仍有D受損,
結果就如人皮膚受損後,被D細菌入侵而造成爆身.
而此魚自己卻未能單靠改善水質有任何好轉,反之更愈來愈紅.
故其後用药治療已實屬必要.
治療期間,我所使用治療用之抗生素殺菌,全都照足使用方法,
使用超過7-14天或以上更久.
其間亦曾想過可能是魚的保護黏膜受損,故特意就去買了樽 Stress Guard使用.
治療期間曾使用包括上野黃粉, 盒装黃粉+Stress Guard,
浸TS, 浸TS+ Furan2+TDC, 及浸Neoplex.
並輔以四環素浸糧及使用甲基藍以棉花棒直接搽上傷口.
但治療期間病情雖似受控一陣, 但卻未能使傷口埋口,很快又再紅過咯.
而用 NeoPlex一週後, 初期效果亦是一樣.
但當用 Neoplex第2週時,則嘗試再加上直接用棉花棒搽上黃藥水洗傷口.
而其效果數日後則巳有改善.而其後再浸約2週,終可以算痊癒了.
治療後期:
個人推論此次爆身,應不是因缸中水質,水温差或寄生蟲所引起.
當然,衹能以 Q 箱之治療環境, 比開始爆時更差作佐証.
而箱中衹有有菌環一包及氣泵一個而巳.
而治療所用药物亦非以治寄生蟲作向.
而個人推論,其爆身情況正如人跌傷擦傷,
通常我們處理都是先消毒及使用抑菌劑去處理傷口,
而嚴重發炎才會使用抗生素.
但如單用抗生素而不包紮好傷口,再度感染便機會大增.
當然亦有些人身体強健很易自然埋口,
但有些體質較弱便較困難,並需要使用抑菌劑去治理傷口才能治癒.
亦有如衹用抗生素治肺炎, 但抗生素雖是能殺滅痰中病菌,
但卻未能化痰,需另用药物用以化痰或用物理治療法,將痰拍出才可治癒.
不過,養魚,用药手法各有不同.
我用藥全是跟藥廠指示份量或略輕,
並會加些 ph buffer 及打大氣使用.
此法祇係我的實戰記錄,
各師兄使用此法,亦未必便定能治好病魚,
因每條魚的體質狀態亦有不同, 而回來處理手法亦可能不同.
我亂搞條魚都唔死,並唔係代表條條一樣可以適應.
並請各魚友善用魚藥,避免濫用不必要的藥物
請各位善用魚藥,如真養唔到就由牠吧.......
魚友之福,希望不會是子女之禍.......
我衹使用尋常魚藥廠之藥品,我相信普通大家想養的我都養到吧.
太難的可能是我功力還未夠吧
但有幸多年養魚已多能從心,亦未遇過什麽抗藥性.
真不知用完終極抗生素如何處理剩水才好?
更不知污水處理是否全港天域有效解藥性?
真希望不要流入海水中又引致更多抗藥性呢......
推薦但警告善用,便能防止此等最後抗生素的濫用和使用不當?
希要真是如此有效才好.
而用了幾次不好或巳去的魚,請真要好好處理,請不要放生或海葬才好........
不過近年已見人極推介此等終極藥品,
但卻不見有應有的警告忠言.
希望曾使用之魚友已懂自行用足及處理,
希望不會因此而引起所謂抗藥性,而至使我們的小朋友失去此等抗生素使用.
如不用最後抗生素藥物養魚,就不能養到魚?如是,請由牠去吧....
請把人用藥物留番給我們子女吧......
希望大家慎思................
這是我養魚多年的經驗分享,養魚衹用魚藥已多能養到
沒有留言:
張貼留言